Ноябрҙә пенсиялар, түләүҙәр алдараҡ бирелә

“Рәсәй Социаль фондының БР буйынса бүлексәһе балаларға октябрь өсөн пособиеларҙы ла ваҡытынан алдараҡ күсерәсәк. Сөнки берҙәм илтеү көнө (3 ноябрь) ялға тура килә”, - тип асыҡлыҡ индерҙе Бүлексә идарасыһы Фәнил Вахитов.

Аҡсаны банк иҫәбенә алыусы ата-әсәләргә 2 ноябрҙә бына ниндәй түләүҙәр киләсәк: 17 йәшкә тиклемге балаларға берҙәм пособие һәм йөклө ҡатындарға түләүҙәр; эшләмәгән ата-әсәләргә 1,5 йәшкә тиклем баланы ҡарау буйынса пособие; 3 йәшкә тиклемге беренсе балаға түләү; призыв буйынса хеҙмәт итеүсе хәрбиҙәрҙең балаларына түләү.

Берҙәм илтеү көнөндә ҡулаҡсаһыҙ бирелеүсе түләүҙәр күсерелә. “Рәсәй Почтаһы” аша пособие алыусыларға ул, почта бүлексәһенең эш графигына ярашлы, айҙың 1-енән 25-енә тиклем илтелә.

Халыҡты социаль яҡлау бүлектәре иһә балаларға төбәк пособиеларын үҙ графигы буйынса илтә, ул СФР түләүҙәренән айырыла.