Мәшһүр "Урал батыр" эпосына арналған байрам

Республикала "Урал батыр" эпосы көнө булдырылды. Ул Башҡортостан Башлығы Радий Хәбиров Указына ярашлы, 8 июндә билдәләнәсәк. "Урал батыр" - халҡыбыҙҙың асылы һәм йөрәге. Мәшһүр эпос көнө мәҙәни йолаларыбыҙҙың мөһим өлөшөн ә әүереләсәк", -тип билдәләне Радий Хәбиров.
Бөгөн, 7 июндә, Красноусолдағы "Йәшлек" паркында тәүгеһенән "Урал батыр" эпосына арналған байрам сараһы үтте. Сара ир-егеттәр, үҫмерҙәр араһында "Урал батыр", ҡыҙҙар араһында "Һомай", "Ҡанатлы ат Аҡбуҙат" ҡул эштәре, иң яҡшы милли аш-һыу, балалар араһында "Мәргән уҡсы" кеүек конкурстарҙы үҙ эсенә алды. Районыбыҙ сәсәниәләренең сығыштары байрамды биҙәне. Районыбыҙ ауылдары мәҙәниәт хеҙмәткәрҙәре, Красноусол ағинәйҙәре милли аш-һыу һәм биҙәүестәрҙән күргәҙмә ойошторған, сарала ҡатнашыусыларҙы тәм-том, тәмле сәйҙәре менән һыйланылар. Конкурстарҙың еңеүселәре бүләкләнде. Ҡатнашыусыларҙың башҡалары символик бүләктәргә лайыҡ булды.