Башҡортостанда һайлау башланды

Башҡортостанда өс кимәлдәге һайлау башланды: Рәсәй Дәүләт Думаһы депутаттарын һайлау, БР Дәүләт Йыйылышы - Ҡоролтай депутатын өҫтәмә һайлау һәм муниципаль һайлау.

Тауыш биреү урындағы ваҡыт буйынса иртәнге сәғәт 8-ҙән киске 8-гә тиклем үткәрелә.

Дәүләт Думаһы депутаттарын һайлау һәм улар менән берләштерелгән һайлау өс көн буйына — 18-20 сентябрҙә бара. Тауыш биреү көнөнә 18 йәше тулған бөтә граждандар ҙа үҙҙәренең һайлау хоҡуғынан файҙалана ала. 

Берҙәм тауыш биреү көнөндә — 18-20 сентябрҙә – Башҡортостанда «Рәхмәт» акцияһы уҙғарыла. Был юлы ташламалар ғына була: бер ниндәй ҙә бүләктәр уйнатылмай. 

Һайлау буйынса ҡыҙыу элемтә телефоны: 8-800-200-00-20.

Тауыш биреүҙең яҡынса һөҙөмтәләре дүшәмбе, 21 сентябрҙә, иртәнсәк билдәле була. Дәүләт Думаһына һайлауҙың дөйөм һөҙөмтәләрен Рәсәй Үҙәк һайлау комиссияһы 5 октябрҙән дә һуңға ҡалмайынса билдәләргә һәм 11 октябргә тиклем рәсми рәүештә иғлан итергә тейеш, тип хәбәр иткәйне Башинформ.